.

உன்னுடன் வாழ்கிறேன்..

2011-06-07T07:51:00.000-07:00

அவனது கண்கள்
நடைப்பழகாத இரு குழந்தைகள்
என்னை காணாத
அந்த ஒரு நிமிடம்..

என்னுள் இருக்கும்
உன்னோடு சேர்ந்து மிதந்து
போகிறேன் மேகமாய்..

என்னுடன் நான் உணர்த்த
மாற்றங்கள் உன்னால் அன்பே..
உன்னுடன் என் இதயம்..
உன் உறவு எனக்கு உயிர்
உன் உறவு பிரிந்தால்
என் உயிர் பிரியும் உன் மடியில்..

பெண்ணே..

2011-02-02T05:29:00.000-08:00

காவிய பெண்ணே..
புரிந்துக் கொள் என்
காதலை ஒரு முறை..

உறவுகள் சொல்ல பலர்
இருந்தாலும் என் உணர்வை
புரிந்துக் கொள்ள
நீ மட்டுமே இன்று..!

புத்தாண்டு வாழ்த்துக்கள்

2011-01-01T05:22:00.000-08:00

நீண்ட இடைவெளிக்கு பிறகு மீண்டும் இந்த புத்தாண்டில் உங்களை சந்திக்கிறேன்..
அனைவருக்கும் என் இனிய புத்தாண்டு வாழ்த்துக்கள்..இவ்வாண்டில் உங்கள் கனவுகள் யாவும் நிஜமாக வாழ்த்துக்கள்..

நினைவெல்லாம் நீ..!

2010-06-13T00:04:00.000-07:00

மறக்க

முயலும் போதுதான்

உயிர்ப்பிக்கின்றன

உன் நினைவுகள்...

புதைக்க நினக்கும் போதுதான்

கீறித்துளிர்க்கின்றன

உந்தன் ஞாபகங்கள்...

அழிக்க

எண்ணும் போதுதான்

கண்முன் தெரிகின்றன

உந்தன் பிம்பங்கள்...

என்ன செய்ய

உன்னை நினைத்து விட்ட

குற்றத்திற்காக நான்

செத்து விடவா முடியும்?

இன்றுவரை கூட

மறந்து விடத் தோன்றவில்லை

நேற்றின் பிரதிபலிப்பால்

மனசின் வேதனை எளிதில் ஆறாது...

முகம் மறக்கும் முன்பே

முகவரியை தொலைத்து நிற்கிறது

என் வாழ்க்கை...

நீர்ச்சுழலில் சிக்கிய சருகாய்

நிறைவேறாத ஆசைகளின் அலையிலே

சுழலுகின்ற மனசு

மீண்டும் வருமென்ற நம்பிக்கை

சிறிதும் எனக்கில்லை....

வாழவேண்டும் என்ற

நிர்ப்பந்தத்தால்

எத்தனை வேதனைகளைத்தான்

விருதுகளாய் பெறுவது

காலம் கேள்வி கேட்க

பதில் சொல்ல மறுக்கிறது மனது...

இனியவளே!

புரட்டியது புத்தகத்தை

என்றாலும் அதில்

புதைந்திருப்பது

உன் புகைப்படம்...

வாழ்க்கையின்

முதல் படியேறி

வழுக்கி விழுந்தவன் நான்

எனக்கு வழிகாட்டியாய்

வந்தவள் நீ...

காவிய பெண்ணே

நடந்து பார்க்கலாம்

வாழ்க்கையை நோக்கி

நமக்கு

வழி தெரியும் வரை...

வாழ்க்கை பாதையில்

நான் பயணித்த போது

வழுக்கி விழுந்தது

பள்ளம் அல்ல

அது உன் உள்ளம்...

தொடரும் நினைவுகளுடன்

தவிக்கும் இதயம்..!

2010-05-01T00:51:00.000-07:00

நான் அழுகிறேன் இன்று
உன் நினைவுகளினால்..
இதனால் உறக்கம் எனக்கு
பிரிவு கடிதம் அனுப்பி இருந்தது..

எந்நேரம் அவனின் நினைவுகள்
எனக்கு அழைப்பிதழ் கொடுத்தது..
உனக்காக பிறந்தவள் நான்
என்று நினைக்கும் போது இனித்தது..!

சோதனையும் வேதனையும்
சேர்ந்ததா காதல்..?
என் கேள்விக்கு அவனின்
பதில் கண்ணீர்..

ஆனால் நீ என்னை உயிருக்கு
உயிரை நேசிக்கிறாய் என்று
நான் அறிவேன்..!

உன் கண்களில் இருந்து பாய்ந்த
உன் பாசக் கதிர்களினால் பாதிக்கபட்டது
என் இதயமாட..புரிந்துக் கொள்..!
தவிக்கும் என் இதயத்தை..!

தொடரும் நினைவுகளுடன்,

உன் பார்வை..!

2010-02-24T05:30:00.000-08:00

உன்னை கண்ணும் வரையில்
என் பிறப்பின் ஆழத்தை நான்
உணரவில்லை..அறியவில்லை..
உன்னை கண்ட பின்
வாழ்வில் முழுமையை
அடைந்தேன்..

ஏதோ ஒரு பார்வையில்
உன்னதை என்னை நான்
காண்கிறேன்..
உன் கண்கள் காணும்
பார்வையில் நானாக
நானில்லை அன்பே..!
தனிமை என்னை கொல்லும்
நேரம் இனிமையை இனித்தது..!

என் உயிரில் பாதி,
உன் உணர்வில் கலந்தது..!
உன் உணர்வில் பாதி,
என் நினைவில் கலந்தது..!

சில நாட்களுக்கு
பிறகு கண் விழித்து பார்த்தேன்.
கனவுகள் யாவும் கலைந்தது..
கனவில் மிஞ்சியது
கண்ணீர் மட்டுமே !

தொடரும் நினைவுகளுடன்,

ஒரு கவிதை மொழி...

2009-12-28T07:02:00.000-08:00

எல்லா மொழியிலும்
பேசியாகிவிட்டது..
முத்த மொழியோடு பேசுவோமா..
************
உறவுகள் யாவும் பகையானது..
உன் நினைவுகள் எனக்கு
உறவானது..!

உன்னை மறக்க நினைப்பதால்
உன் நினைவுகள் மீண்டும் கொல்கிறது..!

என் உயிர் காதலே

2009-12-07T07:14:00.000-08:00

துடிக்காத என் இதயத்தை
துடிக்க வைத்தவனே..
உயிரில்லா என் உடலுக்கு
காதல் உயிர் கொடுத்தவனே..
உன் மீது கொண்ட
காதலை ஜென்மத்திற்கும்
அழிக்க முடியாது..

காத்திருக்கும் ஒவ்வொரு
நிமிடங்களையும் சுகமாய்
உணர்கிறேன்..உனக்காக
காத்திருப்பதால்..!
இமைகளை முடினால்,
கனவில் உன் முகம்..
என் இதயம் கொண்ட
காதலுக்கு கண்ணீர் மட்டும்
துணை..!

ரோஜா மலரை பறிக்கையில்
கைகளில் முட்கள் குத்தியது..
என் கைகளில் இருக்கும் ரோஜா
மலர்தான் தெரிந்தது..
உனக்கும் என் மனதில் இருக்கும்
வேதனை புரியவில்லை..

காத்திருப்பேன்
என் உயிர் காதலே..!

தொடரும் நினைவுகளுடன்,

ஆயிரம் எண்ணங்கள் 12

2009-12-04T06:30:00.000-08:00

கோபம்

கோபப்படுவீர்களா? இல்லை என்பது கண்ணாடி முன் சொல்லும் பொய். காந்திக்குக்கூட கோபம் வரும் என்பது சரித்திர சாத்தியம். கோபம் மனித குணம். ஆனால் கோபப்படுவது அவசியமானது அல்ல. கோபம் என்பது என்ன? கோபம் என்பது சிந்தனை சமைக்கும் நிலை. எதிர்பார்ப்பு நிறைவேறாத போது வரும் உணர்ச்சி. கோபம் என்பது நஷ்டம் தரும் உணர்வு; வெளிப்பாடு.

பிறகு ஏன் கோபம் எனும் உணர்ச்சி நம் அன்றாட வாழ்க்கையின் அங்கமாகிறது? மனவியல் ரீதியாக பார்த்தால் கோபம் என்பது ஒரு பழக்கம். ஒரு வேலையில் ஈடுபடும் பொழுது சிலருக்கு சிகரெட் பற்ற வைத்துக் கொள்ள வேண்டும். இந்த சிகரெட் எந்த விதத்திலும் அவர்கள் செயல் திறனை கூட்டவோ வேலை சுமையை குறைக்கவோ உதவாது என்றாலும், இது ஒரு பழக்கம். இதே போல் தான் நம் சிலரிடம் உள்ளும் கோபம் ஒரு பழக்கமாகி விட்டது. எந்த ஏமாற்றம் வந்தாலும் கோபம் வருவது குழந்தை பருவத்திலிருந்தே வளர்ந்து வரும் பழக்கம்.
ஏமாற்றத்தின் விளைவு சோகம்,கண்ணீர்,அச்சம்,அவமானம் என்றெல்லாம் வெளிப்பட்டாலும், அடிப்படை கோபம்தான்.

கோபம் வரவே கூடாதா? உணர்ச்சிகள் யாருக்கும் மழுங்கவே கூடாது. உணர்ச்சி மழுங்கினால் மனம் நோயுற்றதாய் பொருள். கோபம் என்பது ஓர் உணர்ச்சி. அது வராமல் இருப்பது பயிற்சியினால் மட்டுமே. கோபப்படுவது பிரச்சனையாவதில்லை. கோபத்தின் வெளிப்பாடு மட்டுமே பிரச்சனைகளை உருவாக்கும். நாம் எப்படி கோபத்தை கட்டுபடுத்தலாம் என்று பார்க்கலாமே! நாம் கோபித்து கொள்ளும் எதிர் நபரும் மனிதர்தான். ஒரு புன்னகை எப்படி எளிதாய் எதிர் புன்னகை ஏற்படுத்துமோ அதே போலத்தான் கோபமும். ஏன் நாமது வாழ்க்கையை புன்னகையால் அலங்கரிக்ககூடாது? புன்னகை ஒருவரின் கோபத்தையும் தணிக்கும் என்பதை நாமில் சிலர் உணர மறுக்கிறோம்.

மற்றவர்களை புரிந்துகொள்ளுதல் என்பது மிகவும் எளிதாய் நாம் கற்றுக்கொள்ளும் ஒரு விஷயம். முடிதளவு நாம் பிறரின் உணர்ச்சிகளையும் புரித்துக் கொண்டால் கோபம் என்பது சற்று தள்ளியே போகும். கோபம் பிறரின் மனதை காயபடுத்துவது மட்டுமில்லை; உடலையும் மனதையும் பாதிக்கும் ஒரு உணர்ச்சி. இதய துடிப்பு அதிகரிப்பதும்,கோபத்தினால் கவனமும் சிதறுகிறது. நிம்மதியும் குலைகிறது. கோபத்தை திசை திருப்புவதும் அவசியம். நகைச்சுவை உணர்வை வளர்த்துக் கொள்வதும்,வாய்விட்டு சிரிப்பது, மற்றவர்களை நன்றாக கவனித்து புரிந்துக் கொள்ள முயல்வது, எல்லா காரியங்களையும் சிந்தித்தே செயல்வது போன்றவை கோபத்தை குறைத்துக்கொள்ள உதவும்.

எனவே கோபத்தை கட்டுப்படுத்த முயல்வோம்.

தொடரும் நினைவுகளுடன்,

தேடல்..!

2009-11-25T04:36:00.000-08:00

எனது பயணங்கள்
உனது விழிகளில் தொடங்கியது..
இன்று..!
உன்னை நான் தொலைத்த
வேளையில்,என் வாழ்க்கையின்
தேடல் தொடங்கியது..

பள்ளியில் படித்த பாடத்தை விட
உன்னிடம்
காதல் பாடத்தை படித்ததே
அதிகம்.. இருந்தும்
காதல் என்னும் தேர்வில்
தோற்றது ஏனோ..?
உன் கரம் கோர்கையில்
நினைவுகள் ஆயிரம்..
நினைத்தாலே இனிக்கும்
தருணம்..

இது சோகமானாலும்
என் வாழ்க்கையின் தேடலில்
நெஞ்சுக்குள் ஒரு சுகம்..

இதயம் பேசும் என்
தனிமையான இரவுகளுடன்
என் காதலை
யாசிக்கிறேன்..!

தொடரும் நினைவுகளுடன்

தீபாவளி வாழ்த்துக்கள்..!

2009-10-15T08:21:00.000-07:00

தீபாவளி திருநாளில் அனைவருக்கும் எனது தித்திக்கும் தீபாவளி நல்வாழ்த்துக்கள். இந்நாளில் அனைவரும் மகிழ்ச்சியாக கொண்டாட எனது வாழ்த்துக்கள்.

தொடரும் நினைவுகளுடன் உங்கள்

தேவதையே வா.. வா

2009-09-19T01:21:00.000-07:00

எனக்கு இந்த தேவதையை அனுப்பியவர் பிரிவையும் நேசிப்பவள் காயத்திரி. இத்தருணத்தில் அவர்களுக்கு நன்றியை தெரிவித்துக் கொள்கிறேன். தேவதையிடம் வரம் கேட்க நான் ரெடி.

முதல் வரம் : இன்று போல் என்றும் நான் வாழக் கூடாது.

இரண்டாம் வரம் : இந்த உலகத்தில் வாழும் எல்லா ஜீவராசிகளும் நோய் நொடி இல்லாமல்,சந்தோசமாக வாழ வேண்டும்.

மூன்றாம் வரம் : என்னவனின் நினைவுகள் அடுத்த ஜென்மத்திலும் தொடர வேண்டும்.(இந்த தொடரும் நினைவுகள் போல )

நான்காம் வரம் : பலரின் மனதை நான் காயப்படுத்தி உள்ளேன். அவர்களின் அன்பை மீண்டும் பெற ஒரு வரம் வேண்டும்.

ஐந்தாம் வரம் : அழகான அந்த பள்ளிக்கூட வாழ்க்கை மீண்டும் ஒரு முறை அனுபவிக்க வேண்டும்.

ஆறாம் வரம் : இந்த உலகம் அமைதியாக இருக்க வேண்டும்.

எழாம் வரம் : நான் இழந்த ஒவ்வொரு உறவுகளையும் மீண்டும் ஒரே முறை சந்திக்க வேண்டும்.

எட்டாம் வரம் : இன்னும் நிறைய கவிதைகள் நான் எழுத,அதை என்னவன் ஆசையாக படிக்க வேண்டும்.

ஒன்பதாம் வரம் : என்னால் முடிந்தவரை பிறருக்கு உதவ வேண்டும்.

பத்தாம் வரம் : இந்த ஜென்மத்தில் நான் வாழ்ந்த வாழ்க்கை போதும், அடுத்த ஜென்மம் என்று ஒன்று இருந்தால் நான் என்னவனக்கு குழந்தையாக பிறக்க வேண்டும்.

என் வரத்தை கேட்டு முடித்து விட்டேன். தேவதையிடம் பிறரும் வரத்தை கேட்டு நினைவேற எனது வாழ்த்துக்கள். என்னிடம் வந்த தேவதையை நான் இவர்களுக்கு தான் அனுப்ப போகிறேன்..

*விக்கி
*மகா
*அன்பு
*நட்புடன் ஜமால்
*வால் பையன்

தொடரும் நினைவுகளுடன் உங்கள்

மறக்க நினைக்கும் தருணம்..

2009-09-06T04:34:00.000-07:00

அன்புள்ள டைரி,

இந்நாளை என் வாழ்க்கையெனும் டைரியிலிருந்து மறக்க நினைக்கும் நாள். இருப்பினும் மறக்க முடியவில்லை. ஏன்? எல்லாம் உன் காதல் செய்த விளையாட்டு. உன்னிடம் என் மனதை பரிக்கொடுத்த நாள். நினைத்து பார்க்கையில் இன்னும் நெஞ்சினில் தேனாக தித்திக்கும் தருணம். உன் காதலை என்னிடம் சொன்ன நாள் தான் இன்று.

என் உள்ளதையும் உணர்வையும் புரிந்துக் கொண்டவன் நீ. உன் காதலை என்னிடம் சொன்ன பொழுது ஒரு கணம் நான் வானத்தில் பறவையை பறந்து வந்த நொடி..ஏதோ ஒரு பார்வையில் நெஞ்சம் தடுமாறியது. என் தாயிடம் நான் உணராத பாசத்தை உன்னிடம் கண்டேன். உன் கனவுகளை கவிதையாக வரைந்து நீ காதலை சொன்ன விதம் உன் மீது காதல் தீயை பரவவைத்தது. காதலுக்கு கண்கள் இல்லை என்பார்கள்,அது முற்றிலும் பொய். ஏன் தெரியுமா? நான் உன் கண்களை பார்த்த பிறகு தான் காதலிக்க தொடங்கினேன். முதல் முறையாக நான் வைரமுத்துவின் கவிதை ரசித்த நாளும் இந்நாள் தான்.

"உன் பிம்பம் விழுந்தே கண்ணாடி உடையும்,கண்ணிரண்டும் மொழிக்கொள்ளும்,
காதலித்துப் பார்..தலையணையை அணைப்பை,தினமும் மூன்று முறை பல் துலக்குவாய்,காத்திருந்தால் நிமிஷங்கள் வருஷம் என்பாய்,வந்து விட்டால் வருஷங்கள் நிமிஷம் என்பாய்"

நான் ரசித்த வைரமுத்துவின் கவிதை வரிகள். உன்னை காதலித்த பிறகு நான் மட்டும் உணர்ந்த ரகசியங்கள் இவை.

உன் காதலினால் நான் அடைந்த மகிழ்ச்சிக்கு அளவே இல்லை.பாசத்தின் மறுபகுதியை உணர வைத்தவனும் நீ.நான் காய்ச்சல் இருந்த பொழுது என்னக்கா நீ உன் நேரத்தை ஓதுக்கிய பொழுது, என்னை ஒரு குழந்தை போல் கவனித்துக் கொண்ட பொழுதும் நீயே என் உலகம் என்று அறிந்தேன்.ஏனோ என் சந்தோசம் நீண்ட நாள் நிடிக்கவில்லை.

உன் கண்கள் காதலின் ஆழத்தை சொன்னது.ஆனால் உன் உதடுகள் மட்டும் பொய்களை சொல்லி பிரிந்து சென்றாய். உன்னோடு நான் இருந்த 170 நாட்கள் மரண படுக்கையிலும் மறக்க மாட்டேன். அந்த ஒவ்வொரு நாளும் நான் என்னையும் என் என் காதலையும் அறிந்துக் கொண்ட நாள். மிக மிக அழகான நாட்கள்,வார்த்தைகளால் சொல்ல முடியாதடா..உனக்காக ஒரு கவிதை:

எனக்கு தெரியும் உன் காதல்
எனக்கு மட்டும் தான் என்று..
பிறகு என் இந்த பிரிவு..

பூக்கள் பறிபதற்கு அல்ல..
என் இதயங்கள் எரிப்பதற்கு
அல்ல கள்வனே..!
மீண்டும் ஒரு முறை வாழ
வரம் வேண்டும்..உன்னோடு
நான் வாழ்ந்து பார்க்க..
வெண்மதியை தூது அனுப்புகிறேன்..
என் பிரிவின் சோகத்தை
உன்னிடம் சொல்ல..!

தொடரும் நினைவுகளுடன் உங்கள்..

என் காதலே..என் காதலே

2009-08-25T17:39:00.000-07:00

உன் விழிக்குள் இமையாக
நான் கொண்ட காதல்..
உன்னை நான் உணர்ந்த
நாள்..என்னை நான் மறந்த நாள்..

நீ எனக்கு தந்த முதல்
முத்தத்தை இன்றும்
சேமித்து வைத்துள்ளேன்..
என் காதலின் புனிதமான
சின்னமாய்..!

காதலினால் ஏற்பட்ட
காயங்களை அழிப்பதற்கு
கண்ணிரை செலவழிக்கிறேன்..
ஈட்டியாய் உன் நினைவுகளை
என் இதயத்தில் பாய்த்து விட்டாய்..
சிலுவைகலாய் உன் நினைவுகளை
சுமந்து கொண்டு உயிரோடு
நான் இறந்து விட்டேன்...!

நான் இல்லாமல் நீ
இருப்பாய்..ஆனால்
நீ இல்லாமல் என்றும்
நான் இல்லையடா..!

தொடரும் நினைவுகளுடன் உங்கள்..

கவிதைகள் சொல்ல வந்தேன் அன்பே..!

2009-08-12T08:15:00.000-07:00

அர்த்தமின்றி முத்தம்
ஒன்று தந்தாயே..!
மேகத்தில் தவம்
கிடைக்கும் துளியாக
நான் காத்திருந்த
அந்த நொடி..!

உந்தன் புரியாத
உறவில் நான் கண்ட
சந்தோசம் வார்த்தைகளால்
சொல்ல இயலாது..!

கண்கள் உறங்காமல்
உன் நினைவுகள் என்னை
திண்டுகிறது..!
சிதறிய நினைவுகளை
எல்லாம் நீ தான்
என்னுள் சேமித்தாய்..
உன் நினைவுகளை
தவிர்க்க இன்று
போகாத தூரமில்லை..!

தனிமையில் நடந்து
செல்கிறேன்..என்
காலம் முழுதும் உன்னை
காதலிப்பேன்..இறக்கும் தருணம்
வரை உன் நினைவுகள்
என்னுள் தொடரும்..

எனது 100வது படைப்பு..இந்த கவிதை எனக்கு மிகவும் அர்த்தமுள்ள கவிதை.

தொடரும் நினைவுகளுடன் உங்கள்..

சுவாரஸ்ய பதிவர் விருது

2009-07-22T08:17:00.001-07:00

இந்த விருதை எனக்கு அளித்த காயத்திரி அக்கா அவர்களுக்கு நன்றி. நான் விருதை கொடுக்க நினைக்கும் சிலர் ஏற்கனவே பெற்றுவிட்டார்கள்.நான் அடைந்த இந்த விருதை பிறரும்( என் சக நண்பர்களும்) அடைய வேண்டும் என்பதற்க்காக,இதனை அவர்களுக்கு பரிசாக கொடுக்கிறேன். நான் ரசித்து படிக்கும் சிலருக்கு இந்த விருதை அளிக்கிறேன்.

தூயா- http://thooya.blogspot.com/ இவரின் பதிவுகள் யாவும் அருமை. இவர் இந்த விருதை பெற தகுதியானவரும் கூட. இவருக்கு விருதை தருவது எனக்கு மகிழ்ச்சியே.

அன்பு- http://anbu-openheart.blogspot.com/ அன்பின் அன்பு இவரும் ஒரு நல்ல எழுத்தாளர் தான். அன்பின் பதிவுகளை படிக்க ஆர்வமாகவும் சில நேரங்களில் நகைச்சுவையாகவும் இருக்கும்.

ஸ்ரீமதி-http://karaiyoorakanavugal.blogspot.com/ ஸ்ரீமதி அப்பப்ப இவரின் கவிதைக்கு பதிலே இல்லை. அருமையாக கவிதை எழுதுவர். கவிதைகள் ஒவ்வொன்றிலும் ஆயிரம் அர்த்தங்கள் அடங்கி உள்ளது.

விருதை பெற்ற அனைவருக்கும் எனது வாழ்த்துக்கள்.

உன்னால்..

2009-07-14T07:24:00.000-07:00

என் மனதை பறித்து
சென்றவன் அவனே..!
என் வாழ்க்கையை
உணர வைத்தவனே..!

உன்னால் என் மனதில்
பூத்தது புது உறவு..
உன் சின்ன சின்ன
பார்வை என்னுள்
காதலை ஏற்படுத்தியது..

உன்னை பார்த்தால்
சில நிமிடம் மௌனம்..
ஏன்? பூன்னகைகள்
பூத்து என் மனதை
ஆளுகிறாய் அன்பே..!

கனவில் வருடும்
என் காதல்
நிஜமானது உன்னால்..
உயிரின் ஓசை
கேட்க செய்தவன் நீயாடா..

மறுபடியும் பிறவி
எடுத்தேன் உன்னால்..
போதும் போதும் இந்த
காதல் ஏக்கங்கள் கண்ணே..!

இத்தனை சுகங்களும்
தந்தவனே...!!!
உன் உறவு எனக்கு
உயிரைப் போல..
உன் உறவு பிரிந்தால்
என் உயிரும் பிரியும்..

உனக்காக ஒரு காதல்

2009-07-11T01:22:00.000-07:00

பல மாற்றங்கள் கண்டு
வந்தேன்..அன்பே
உன் பெயரச் சொன்னாலே..
உன்னை காணும் நேரம்
என் கண்கள் ஏங்குகிறது..

நீ வேறு நான் வேறு
என்று சொன்ன மறுகணமே
நான் உயிர் இழந்தேன்..
இரண்டுகள் பழகியும்
இறுதியில் இரு மனம்
பிரிந்தது..

சின்னதொரு காரணத்தால்
பறவைப் போல்
சிறகடித்து சென்று விட்டாய்..

தினம் தினம் என்னை
தடுமாற வைக்கிறது
உன் நினைவு..

உனக்காக உயிர் வாழ்வேன்
உனக்கேன் தெரியவில்லை..
உனக்காக அழுகிறேன்
அதை நீ உணரவில்லை..!

பறக்கும் வண்ணத்துப்பூச்சி..

2009-07-06T01:18:00.000-07:00

படபடவென இறக்கைகளை
அடித்துக் கொண்டு
சிட்டுகுருவிப் போல்
வானத்தில் பறக்கும்
வண்ணத்துப்பூச்சியே..!

உன்னை போல வாழ
எனக்கு நீண்ட நாள்
ஆசை..

வானவில்லில் மிதக்கும்
ஏழு வண்ணங்களும்
உன்னிடத்தில்..பெண்களை
கண்டால் ஏற்படாத
பொறாமை..உன்னை கண்டால்
மட்டும் ஏற்படுவது ஏனோ?

உன் வண்ணங்கள் சிதறி
பூக்கள் சினுங்குவதை விட
நான் சினுகுவது தான்
அதிகம்..

பூக்களிடம் மௌனத்தை
சேகரித்து நீ கொண்ட
காதல்..என் காதலை விட
புனிதமானது உன் காதல்..

உன்னை விரும்பாதவர்களே
எவரும் இல்லை இந்த உலகில்..
ஆனால் என்னை விரும்புவர்கள்
எவரும் இல்லை இந்த மண்ணில்..
வண்ணத்துப்பூச்சியே..!

அன்பே அன்பே

2009-06-30T03:11:00.000-07:00

எத்தனையோ உறவுகளை
கண்டேன்..
உன்னை போல் எந்த உறவும்
என்னை நேசித்ததில்லை..
சில உறவுகளின் பிரிவுக்கு
நான் வருந்தியதில்லை..

ஆனால்,
உன் பிரிவு என்னை
விழவைத்தது.
உன்னை அதிகம் நேசித்தால்
அதை விட இரு மடங்கு
உன்னை வெறுக்கிறேன்..

கண்ணிருடன் வாழும்
காலம் இன்று
இனிமையாக இருக்கிறது..
உன் நினைவோடு
வாழ்வதினால் அன்பே..!

பெண்..!

2009-06-15T07:11:00.000-07:00

குழந்தையை சுமப்பவள்
ரத்ததை பாலாக தருபவள்
பெண்..!
ஏட்டிலும் எழுத்திலும்
உயர்ந்து நிற்பவள்..

பெண்களே..
தாயென்றும் தெய்வமென்றும்
சொல்வார்..!
பூமியில் மனிதனை
உருவகியவள் பெண்..

சோகங்களை
மறைத்து வெளியில்
போலி வேஷம்
போடுபவள்..இன்பத்துக்கும்
துன்பத்துக்கும் நடுவே
வாழ்க்கையுடன் தினம்
போராடுபவள்..!

உலகில் விலை
மதிக்க முடியாத
செல்வம் பெண்..
பெண்ணின் பொறுமை
இந்த மண்ணுக்கு
பெருமை..!

இதயத்தை திருடியவன்..

2009-06-13T04:00:00.000-07:00

நொடிக்கொரு தருணம்
இறந்து பிறக்கும்
இந்த இதயத்தின் வலி
உந்தன் வருகையால்
ஏற்பட்டது..!

உன் காதலின்
ஆழத்தை கண்டேன்
மறுகணம் என்
கல்லான நெஞ்சில்
காதல் நீ
பற்றிக் கொண்டது..

பனி மலர்கள் நெஞ்சோடு
அணைத்துக் கொண்டது
போல் இருந்தது..
நீ என்னை அணைக்கும்
பொழுது..!

என்னிதயத்தை
திருடியவனும் நீயே..

உன் பிரிவு..!

2009-06-08T07:59:00.000-07:00

இன்று என் கண்களிலிருந்து
கண்ணீர் வழிகிறது
நீ ஏற்படுத்திய காயத்தினால்..
மனம் நிலவில்லாத
வானம்போல் இருண்டு
கிடக்கிறது..

மனதில் காதல்
கவிதையை எழுதிவிட்டு
கூடவே பிரிவெனும்
சோகக்கதையையும் எழுதி
சென்றாய்..

காலங்கள் மாறினாலும்
உன் மீது நான் கொண்ட
காதல் மாறாது..
என் முச்சினில் கலந்திருப்பது
உன் சுவாசம்தான்..

மனதோடு கலந்த
நினைவுகள் வாழ்ந்துக் கொண்டு
தான் இருக்கிறது இன்னும்
இறக்காமல்..

அன்பு தாயே..!

2009-06-04T04:10:00.000-07:00

பத்து மாதம் என்னை
சுமந்து ஈன்றேடுதவள்..
முதல் முதலாக இந்த
மண்ணில் பிறந்து நான்
பார்த்த தேவதை நீ..
எத்தனை நாள் தவம்
கிடந்தேன் உன் முகம்
காண தாயே..!

உன்னால் நான் பிறந்தேன்
இந்த உலகத்தையும்
உன்னால் அறிந்தேன்..
கோடி தவம் நான்
செய்திருக்க வேண்டும்..
உன்னை போல ஒரு
தாயை பெற..!

உன் மடியில் தலை
வைத்து படுத்தல்,
துன்பம் வேகுதுரமாக
தெரியும்..என் கண்களில்
நீர் வழிந்தால் என்னுடன்
சேர்ந்து அவள் கண்களிலும்
கண்ணீர் சிந்தும்..

மீண்டும் ஜென்மம்
எடுத்தல் உனக்கு
நான் தாயாக பிறக்க
வேண்டும்..ஏன் தெரியுமா?
நீ எனக்கு தந்த பாசத்தை
இரண்டு மடங்கு அதிகம்
உனக்கு தர வேண்டும்
என் தாயே..! நீயே என்
கனவு தேவதை அம்மா..

உனக்காக ஒரு கவிதை..

2009-06-03T03:23:00.000-07:00

இதயத்தில் உயிர் எழுதிய
முதல் கவிதை
உந்தன் காதல்..

பூட்டிவைத்த ஆசைகளை
என்னுள் பத்திரமாய்
சேர்த்து வைத்துள்ளேன்..
உன்னிடம் சொல்வதற்கு..
என் கனவில் வந்து நீ
பூன்னகைக்கும் போதெல்லாம்
தினம் உனக்காக
ஒரு கவிதை எழுதிகிறேன்..

உந்தன் பார்வை சொல்லும்
கவிதையை என்னால்
உணர முடிகிறது..

இதற்க்கு பெயர் என்ன?
தனிமையில் என்னை
தொலைத்து தேடும் அந்த
அற்புதமான் நிமிடத்தில்
அறிந்துக் கொண்டேன்..
அதன் பெயர் தான்
காதல் என்று?

வாழ்க்கை..!

2009-06-02T03:40:00.000-07:00

வெளியில் சிரித்துக் கொண்டு
உள்ளுக்குள் அழுகிறேன்..
எல்லோருக்கும் சில நேரம்
வரும் சோதனை..
ஆனால் எனக்கு வாழ்நாள்
முழுதும் சோதனையே..

என் உணர்வுகளை புரிந்தவர்கள்
உலகில் இல்லை.
ஒவ்வொரு எதிர்பார்புகளும்
ஏமாற்றத்தில் தான்
முடிகிறது..?கனவுகள்
நிஜமாகவும் இல்லை..

காலங்கள் கடந்தாலும்
காயங்கள் இன்னும்
ஆறவில்லை..! வேதனைகள்
சிறிதும் குறையவில்லை..!
ஏன் இந்த வாழ்க்கை ?

என்னை பற்றி..

2009-05-23T23:31:00.000-07:00

1.உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா ?
~திவ்விய என்பது என் நிஜ பெயர். நண்பர்கள் எல்லாம் அதனை சுருக்கி வியா என்று வைத்து விட்டார்கள். எனக்கு மிகவும் பிடித்த வித்தியசமான பெயரும் கூட.

2.கடைசியாக அழுதது எப்பொழுது?
~24/05/2009 நள்ளிரவு. விதியை நினைத்து அழுதேன்.

3.உங்களோட கையெழுத்து உங்களுக்கு பிடிக்குமா?
~நீரற்று ரொம்பவே பிடிக்கும். கையில் ஒரு காகிதமும் பேணவும் இருந்தால் போதும் எதையாவது எழுத ஆரம்பித்து விடுவேன்.

4.பிடித்த மதிய உணவு என்ன?
~சைவ உணவு ரொம்ப பிடிக்கும். சாம்பார், பாகற்காய் பொறியல்.

5.நீங்கள் வேறு யாருடனாவது உங்களோட நட்பை உடனே வச்சுக்குவீங்களா?
~ம்ம்ம்ம் நட்பு நான் மிகவும் மதிக்கும் உறவுகளில் ஒன்று. அதனால் உடனே வைத்துக் கொள்வேன்.

6.கடலில் குளிக்க பிடிக்குமா....அருவியில் குளிக்க பிடிக்குமா?
~இரண்டுமே பிடிக்கும்..இருந்தாலும் கடலில் குளிப்பதில் மனதில் ஒரு சந்தோசம்.

7.முதலில் ஒருவரைப் பார்க்கும் போது எதை கவனிப்பீர்கள்?
~உடை,அவரின் பேச்சு,கண்கள்

8.உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன ?
~பிடித்த விஷயம்: எதை செய்தலும் சிந்தித்து செயல்படுவது மற்றும் எனது குரல் எனக்கு ரொம்ப பிடிக்கும்.
~பிடிக்காத விஷயம்: கோபம் என்னிடம் எனக்கு பிடிக்காது.

9.உங்க சரி பாதி கிட்ட உங்களுக்கு பிடித்த பிடிக்காத விசயம் எது?
~அன்பு வைப்பது தான்.
அன்பு வைத்தவர்களிடம் விரைவில் ஏமார்ந்து போவது. என்னை பற்றி இது நாள் வரை யோசித்ததில்லை.

10.யார் பக்கத்துல இல்லாம இருக்குறதுக்கு வருந்துகிறீர்கள் ?
~என் நண்பர்கள்.

11.இதை எழுதும் போது என்ன வர்ண ஆடை அணிந்து உள்ளீர்கள்?
~சிவப்பு வர்ண டோப்ஸ்.

12.என்ன பார்த்து//கேட்டுக் கொண்டு இருக்குறீங்க ?
~'இரவா பகலா' என்ற பாடல்.

13.வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?
~கண்டிப்பாக எனக்கு பிடித்த நீல நிறம் மட்டுமே.

14. பிடித்த மணம் ?
~ரோஜா பூவின் மணம்.

15.நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன ?
~விக்கி: அருமையான பயனுள்ள பதிவுகளை எழுதுவர். அவருடைய பதிவுகளை படிக்கவே ஆர்வமாக இருக்கும். வலைப்பதிவை எனக்கு அறிமுகம் செய்து வைத்தவரும் கூட.

~நட்புடன் ஜமால்: கவிதைகள் எல்லாம் அருமை. இவரின் பதிவுகளை மறவாமல் படித்துவிடுவேன். முதலில் அறிமுகமான நண்பர். அருமையான நண்பர் என்ற சொல்லலாம்.

16.உங்களுக்கு இதை அனுப்பிய பதிவரின் பதிவில் உங்களுக்குப்பிடித்த பதிவு ?
~காயத்திரி அக்கா. அருமையாக கவிதை எழுதுவர். அதில் எப்படியாவது நிஜம் கொஞ்சம் கற்பனை கொஞ்சம் கலந்திருக்கும். எனக்கு பிடித்து அது தான்.

17. பிடித்த விளையாட்டு?
~காற்பந்து பார்க்க பிடிக்கும். பூப்பந்து அப்பாவுடன் சேர்ந்து விளையாடுவேன்.

18.கண்ணாடி அணிபவரா?
~இல்லை.

19.எப்படிப் பட்ட திரைப் படம் பிடிக்கும்?
~நல்ல காதல் மற்றும் குடும்ப கதைகளை கொண்ட திரைப்படம் பார்க்க பிடிக்கும். வடிவேலு காமடி படம் என்றால் சொல்லவே தேவையில்லை. மூன்று நான்கு முறையாவது பார்த்து விடுவேன்.

20.கடைசியாகப் பார்த்த படம்?
~கடைசியாக பார்த்த படம்...அயன்.

21.பிடித்த பருவ காலம் எது?
~மழைக்காலம். மழையில் விளையாட ரொம்ப பிடிக்கும். கவலையாக இருக்கும் பொழுது மழையும் என்னுடன் சேர்ந்து அழுவதுப் போலவே இருக்கும்.

22.என்ன புத்தகம் படித்துக் கொண்டு இருக்கீங்க?
~இப்போ புத்தகம் படிப்பது குறைவாகவே உள்ளது. வேலைகள் அதிகம்.

23.உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?
~என்றாவது ஒரு முறை தான் பார்ப்பேன்.

24.பிடித்த சத்தம் ? பிடிக்காத சத்தம்?
~பிடித்த சத்தம்: என்னுடைய போன் சத்தம்.
~பிடிக்காத சத்தம்: வீட்டில் நான் இருக்கும் பொழுது தொலைக்காட்சியில் ஓடும் சிரியல் சத்தம்.

25.வீட்டை விட்டு நீங்கள் சென்ற அதிக பட்ச தொலைவு?
~நிறைய இடங்களுக்கு சென்றுள்ளேன். குறிபிட்டு சொல்ல முடியாது.

26.உங்களுக்கு ஏதாவது தனித் திறமை இருக்கிறதா?
~தனித் திறமை என்றால் கவிதை எழுவது தான். அதை தவிர நன்றாக பாடுவேன்.

27.உங்களால் ஏற்றுக் கொள்ள முடியாத ஒரு விஷயம்?
~இன்று வரை என்னை சுற்றி நடக்கும் சம்பவங்களில் பதி என்னால் ஏற்றுக் கொள்ள முடியாதது. இப்படியே சொல்ல போனால் சொல்லிக் கொண்டே போகலாம்.

28.உங்களுக்கு உள்ளே இருக்கும் சாத்தான்?
~அன்பு. அன்புக்கு என்றுமே நான் அடிமை.

29.உங்களுக்கு பிடித்த சுற்றுலா தலம்?
~பிடித்த சுற்றுலா தலம் பினாங் மாநிலம். எத்தனை முறை போனாலும் மீண்டும் மீண்டும் போக மனம் ஏங்கும்.

30.எப்படி இருக்கணும்னு ஆசை?
~ம்ம்ம் ஒரு அன்பான பண்பான பெண்ணாக இருக்க வேண்டும் என்று ஆசை. என்னை சுற்றி இருப்பவர்கள் என்னை புரிந்துக் கொள்ள வேண்டும்.

31.மனைவி/ கணவர் இல்லாம செய்ய விரும்பும் ஒரே காரியம் ?
~திருமணம் ஆகவில்லை. இதை பற்றி கருத்து இல்லை. மன்னிக்கவும்.

32)வாழ்வு பற்றி ஒரு வரி சொல்லுங்க?
~வாழ்க்கை என்பது ஒரு முறை தான். அதனால் உடன் இருக்கும் உறவுகளிடம் கொஞ்சமாவது பாசமாகவும் அன்புடனும் நடந்துக் கொள்வோம். அவர்கள் இல்லாத பொழுது வருந்துவதில் பயன் இல்லை. வாழ்க்கை பயணம் என்பது மிகவும் அழகான பூக்களால் நிரம்பிய பாதை. அதனை முட்க்களால் சேத படுத்த வேண்டாம்.

அழகான நாட்கள்..!

2009-05-23T00:29:00.000-07:00

அன்புள்ள டைரி,

எனது வாழ்வில் சோகமான நாட்களே அதிகம், அதில் பலவற்றை நான் மறக்க நினைக்கிறேன். ஆனால் சந்தோஷமான நாட்கள் மிகவும் குறைவு, அதனை நான் மரணம் வரும் நேரத்திலும் மறக்க நினைப்பதில்லை. அந்நேரத்தில் நான் கழித்த ஒவ்வொரு நிமிடமும் அர்த்தமானது. அந்த அர்த்தத்திலும் என் ஆனந்த கண்ணீர் சேர்ந்துள்ளது.

அப்படி நான் சந்தோசமாக கழித்த நாட்கள் என் பள்ளிக்கூட வாழ்க்கை. நட்பு என்னும் வட்டதிற்குள் நான் பட்டாம்பூச்சையை சிறகடித்து பறந்த அந்நாள் இன்று வரை நினைத்தாலே இனிக்கும் தருணம். நான் படித்த நாட்களில் எனக்கு நண்பர்களுக்கு மட்டும் குறைவே இல்லை. எப்பொழுதும் நண்பர்கள் கூட்டம் என்னை சுற்றி இருந்துக் கொண்டே தான் இருக்கும். இதற்காக அப்பாவிடம் கூட திட்டு வாங்கியதுண்டு (ரகசியம் யாரிடமும் சொல்ல வேண்டாம்). என் சேட்டைகளுக்கு அளவே இல்லை, இருந்தாலும் படிப்பிலும் கவனம் தவறியது இல்லை.

நாங்கள் போகாத இடமே இல்லை,பார்க்காத சினிமா படங்கள் இல்லை. எனக்கு 'சுட்டிப் பெண்' என்று புனைபெயர் வைத்து விட்டர்கள். எப்படி தான் ஆட்டம் போட்டாலும் தேர்வு நேரத்தில் நாங்கள் எல்லாம் ஒன்றாக படிக்கும் பொழுது அதில் கிடைக்கும் சந்தோசம் ஒரு தனி சந்தோசம் தான். அதே பள்ளிக்கூட நாட்கள் தான் எனக்கு பல அனுபவங்களையும் கற்றுக் கொடுத்து. நட்பை மட்டும் தரவில்லை.காதல்,படிப்பு,பிரிவு,துயரம்,சந்தோசம்,சண்டை என இன்னும் நிறைய அனுபவங்கள். கவிதை, கதை எழுதும் திறமை என்னுள் "இலைமறை காயாக" மறைத்து இருப்பதை கண்டு பிடித்தவர்களே என் நண்பர்கள் தான். எனக்குள் இப்படி ஒரு திறமை இருப்பதை அன்று தான் நானே உணர்ந்தேன்.அவர்களால் தான் நானும் இன்று கவிதை எழுதுகிறேன்.

பள்ளிக்கூட வாழ்கையை பற்றி சொன்னால் சொல்லிக் கொண்டே போகலாம். அவ்வளவு அழகான நாட்கள். நான் மறக்க முடியாத நாட்கள்.
எங்கோ பிறந்தோம் நட்பு என்ற கூட்டுக்குள் இணைத்தோம். இன்று அனைவரும் எங்கோ ஒரு இடத்தில் இந்த நட்புக்காக ஏங்கிக் கொண்டிருக்கிறோம். அந்த நட்பு எங்கே? மீண்டும் கிடைக்குமா அந்த பொற்க்காலம்.

நட்புடன்,
....................

இது 100% உண்மையே..

மனமே மனமே..!

2009-05-21T03:59:00.001-07:00

அன்புள்ள டைரி,

ஏனோ தெரியவில்லை இன்று மனம் மிகவும் கஷ்டமாக உள்ளது. என் மன வேதனையை எழுத்துக்களால் சொல்ல இயலாது. நான் நேசித்த உறவுகள் யாவும் இன்று உடன் இல்லை. உடன் இருக்கும் உறவுகள் யாவும் நான் நேசிப்பவை அல்ல. மனதை கல்லாக வைத்துக் கொண்டு வாழ முடியவில்லை.

பிறப்பது பற்றியும் இறப்பது பற்றியும் கவலைப்படாமல் வாழ்கின்றவர்கள் பலருண்டு. ஏன் பிறந்தோம்? என்ற கேள்வியைக் கேளாத வரை,தொல்லை ஒன்றும் இல்லை. 'கண்டதே காட்சி கொண்டதே கோலம்' என்று இருப்பவர்களை எவ்விதமான துன்பமும் சுலபத்தில் வந்து அடைவதில்லை. ஏன் எனக்கு மட்டும் இப்படி ஒரு நிலைமை? பிறந்து விட்ட நாம், ஏதோ இறப்பு வருகின்ற வரை இருந்துவிட்டு போகின்ற நாளில் போய்விடலாம் என்று வாழ்ந்தால் கவலை இல்லைதான். கவலை இல்லாமல் வாழலாம் என்பதற்காக,வாழ்வில் மேற்கொள்ள வேண்டியவற்றை விட்டு விட்டு வாழ முடியுமா?

உறவுகளின் இடையில் சந்தோசமாக வாழ ஆசை,அவர்களின் துணையோடு வாழ்கையில் வெற்றியடைய ஆசை, அன்னையின் மடியில் உறங்க வேண்டும், இன்பத்தையும் துன்பத்தையும் பகிர்ந்துக் கொள்ள வேண்டும் என இன்னும் நிறைய ஆசைகள் மனதினுள். என் ஆசைகள் எல்லாம் நிறைவேறாத ஆசைகளாக இன்னும் என்னுள் முழ்கி கிடக்கின்றன. என்றாவது என் ஆசைகள் நிறைவேறும் அன்று வரை காத்திருப்பேன்.

அன்புக்காக ஏங்கும்,
.....................................

இது 50% கற்பனையே..!

காதல் தந்த பரிசு 6

2009-05-17T02:00:00.000-07:00

அவள் கண்களை அவளால் நம்ப முடியவில்லை. அந்த இடமே அவளின் வருகைக்காக காத்திருந்தது. அழகான கடற்கரை பொழுது, இரவு நேரம் அதற்கு துணையாக நிலவு, கடல் தேவதையின் சிலுங்கள், அவளின் பொன்னான பதங்களை முத்தமிட்டு செல்லும் அலைகள். ஆம், அன்று திவ்யாவின் பிறந்த நாள். அவளே தன் பிறந்த நாளை மறந்துவிட்டாள். இவை யாவும் சர்வினின் ஏற்பாடுகள். அப்பொழுது தான் திவ்யா சர்வினிடம் சொன்ன ஒரு விஷயம் நினைவுக்கு வந்தது."என் பிறந்த நாளை கடற்கரை ஓரத்தில் நிலவின் வெளிச்சத்தில் கேக் வெட்ட வேண்டும் சர்வின்,அது என் நீண்ட நாள் ஆசை. என்று தான் என் ஆசைகள் கை கூடுமோ?."

சரியாக இரவு மணி 12.
"wishing you happy birthday dear.May all your dreams became true on this wonderful day" என்றபடியே அவளின் நெற்றியில் ஒரு முத்தத்தை பரிசாக தந்தான்.
"தங்க யு சர்வின். என் வாழ்நாள் முழுதும் மறக்க முடியாத பிறந்த நாள் இது. தேங்க்ஸ்".
" ஓகே இன்று என் தேவதையின் பிறந்த நாள் சோ கவலை வேண்டாம் கேக் கட் பண்ணு."
பிறகு இருவரும் கடற்கரை ஓரத்தில் நடக்க ஆரம்பித்தனர். அவளின் மகிழ்ச்சிக்கு அளவே இல்லை. திவ்யா இரவு நேரத்தையும் கடற்கரையையும் ரசித்த வண்ணமாகவே நடந்து வந்தாள். ஆனால் சர்வின் அதற்க்கு எதிர்மாறாக திவ்யாவின் அழகை ரசித்துக் கொண்டே நடந்து வந்தான். மகிழ்ச்சியை முழுதாக கண்களில் நிரப்பி கொண்டிருக்கும் கண்கள், வார்த்தையே இல்லாமல் எதையோ சொல்ல துடிக்கும் உதடுகள், இரவு பனித்துளி அவளது முக்கில் முக்குத்தியாக, அலைகளின் ஓசையை ரசித்துக் கேட்கும் காதுகள், அழகான நெற்றி, காற்றில் பறக்கும் கருமை நிற கூந்தல்,கடலோடு துள்ளி கூதிக்கும் கால்கள். அப்பப்பா..
இப்படியே காதலியின் அழகை ரசித்துக் கொண்டே இருந்தான். அப்பொழுது அவனின் நினைவுக்கு வந்த பாடல் 'தேவதையை கண்டேன் காதலில் விழுந்தேன்' என்ற பாடலே.

மௌனமாக இருந்த இரவில் திவியாவே பேச்சை தொடங்கினாள்.
"சர்வின் எப்படி உனக்கு என் பிறந்த நாள் யாபகத்தில் இருந்தது. உண்மையில் எனக்கு இது மிக பெரிய பரிசு. மீண்டும் ஒரு முறை எனது நன்றி."
"அப்படி எல்லாம் ஒன்றும் இல்லை, நாம் ஒருவரை உண்மையாக நேசித்தல் அவர்களை பற்றிய நினைவுகள் மட்டுமே நம்மிடம் இருக்கும். அதேபோல் தான் நான் ஒவ்வொரு நிமிடமும் நேசிப்பது காதலிப்பது உன்னை மட்டுமே, அப்படி இருக்கும் பொழுது உன் பிறந்த நாள் எனக்கு நினைவு இருக்காத" அவளை கவரும்
அந்த சிரிப்பை சிரித்தான்.

***********************************

திவ்யாவின் டைரியில் இன்று அவள் எழுதியது யாவும் சர்வினை பற்றி மட்டுமே.
எப்பொழுதும் தன் சோகத்தையும் கவலையையும் மட்டும் கவிதையாக எழுதும் அவள். இன்று தான் காதலை கவிதையாக எழுதினாள்.

என் மனதை உருகி
பூத்த முதல் காதல் நீ
அன்பின் உருவமாய்
அழகாய் அற்புதமாக
என் மனம் கவர்ந்தவனே..!

என் மனம் என்னும் பூட்டை
காதல் என்னும் சாவியால்
திறந்தாய்..!
அழகிய காதல் முத்திரை நீ..!

உலக அதிசயங்களில்
என்னுள் உனக்கே முதலிடம்..
என்னுடன் நீ இருந்தால்
இன்றும் மட்டுமல்ல
தினம் தினம் எனக்கு
பிறந்த நாள் தான்..

உன் சுவாசத்தில் கலந்திருப்பேன்
உன் மூச்சுக்காற்றாக..

இரவின் நட்சத்திரங்கள் சிறுகச் சிறுக மறைந்துக் கொண்டே வந்தது. காலைப் பொழுது பணிவாய் மலர்ந்தது. கதிரவனை வரவேற்றது. காலை வேலை மகிழ்ச்சியாக புலர்ந்தது. தனது காலை கடமைகளை முடித்து விட்டு வரவேற்பறைக்கு இறங்கினாள். வீடு முழுக்க ஒரே கலகலப்பாக இருந்தது. அனைவரும் மாறி மாறி பிறந்த நாள் வாழ்த்துகளை கூறினார். ஆனால் அவளின் அண்ணனை மட்டும் காணவில்லை. ஒவ்வொரு பிறந்த நாளும் அண்ணன் தான் முதல் வாழ்த்துக்கள் கூறுவான். ஆனால் இன்றும் எங்கே போனான்.

வீடு முழுக்க தேட ஆரம்பித்தாள். ஆனால் எங்கும் காணவில்லை.
"அப்பா அண்ணா எங்கே. எங்கு தேடியும் காணவில்லை."
"ஒ அவனுக்கு இன்றும் காலையிலையே வேலை. சோ வேலைக்கு சென்று விட்டான்."
கோபத்துடன் தன் அறைக்குள் வந்து பூகுந்துக் கொண்டாள்.

தொடரும்..

என்றென்றும் காதல்..!

2009-05-06T03:06:00.000-07:00

காலம் கடந்து வருந்துகிறேன்
உன் உறவை எண்ணி..உன்
பிரிவு என்னை வாட்டுகிறது
உன்னுடன் சேர மனம்
துடிக்கிறது..!

ஒரு முறை என்னை
தாலாட்ட தென்றலாக வா..
வெண்ணிலாவாக வா..
நூறு ஜென்மம் எடுத்தாலும்
உன்னை நெஞ்சம் மறவாது..!

என் ஒவ்வொரு துடிப்பிலும்
உன் நினைவுகள் கலந்துள்ளது
அன்பே..!

நீ எங்கு சென்றாலும் இரவில்
தோன்றும் நிலாவாக உன்னை
தொடர்வேன்..
உன்னில் நான் என் காதலை
கண்கிறேன்..!

தினம் தோறும் உன்
தாலாட்டு கேட்காமல்
உறங்கியதில்லை..
இன்று..
உன் நினைவுகளுடன்
நிம்மதியாக உறங்குகிறேன்
என் கல்லறையில்..!

என் கல்லறையில்
பூக்களை விட..
உன் நினைவுகளே அதிகம்..!

என்னவளே..!

2009-05-02T03:07:00.000-07:00

முதல் முறையாக உன்னை
பார்த்த பொழுது
நூறு ஜென்மம் உன்னுடன்
வாழ்ந்த எண்ணம்..!
உயிரை தொலைத்தேனே
உன்னிடத்திலே..!

பார்வையால் என்னை
சிதைத்தவளே..!
உன்னிடத்தில் காதல்
தேன்மழை பொழிந்தது
என் தவறா?

உன் யாபகம் என்னை
கொல்கிறது..!
கண்கள் தினம் அழுகிறது
உன் நினைவுகளால்..
நினைத்தாலே இனிக்கும்
உன் நினைவுகள்..
அதை எப்படி மறப்பது
கண்ணே..!

எந்தன் தேடல் என்றுமே
உன்னிடத்தில்
மட்டுமே.. உயிர்
கொண்டு காத்திருக்கிறேன்
அன்பே..! என் இதழோரம்
சுவை தந்து காதலை
சொல்லி செல்வாயா
என்னவளே என்
இனியவளே..!

காதல் தந்த பரிசு 5

2009-04-29T02:59:00.000-07:00

திவ்யாவின் தந்தை சொன்ன விஷயத்தை நினைத்து சர்வின் தன்னை தானே நொந்துக் கொண்டான். திவ்யா போன்ற பெண்ணுக்கு ஏன் இப்படி ஒரு நிலைமை? " திவ்யா தன் மகள் அல்ல,அவளை ஒரு அனாதை இல்லத்தில் இருந்து எடுத்து வளர்க்கிறேன்.இதனை தங்களிடம் சொல்ல காரணம் வருங்காலத்தில் உங்கள் இருவருக்கும் இடையில் கருத்து வேறுபாடுகள் வர கூடாது என்ற நோக்கத்துடனே" என திவ்யாவின் தந்தை கூறியது சர்வினின் நினைவுகளின் வந்து சென்றது. இதற்கு மேல் அவர் வேறு எதுவும் சொல்லவில்லை, இதை சொல்லும் பொழுதே அவரின் கண்களில் கண்ணீர் அருவி போல் வழிந்தோடியது. இதனை திவ்யாவிடம் கேட்கலாமா? இல்லை வேண்டாமா? மனதினுள் இன்னொரு குழப்பம்.

திடீர் என்று கைத்தொலைபேசி அலறியது. வேறு யாரும் இல்லை திவ்யா தான். அவளின் குரலை கேட்டவுடன் மனதினுள் ஒரு அமைதி தோன்றியது. இவ்வளவு சோகமும் வேதனையும் மனதினுள் வைத்துக் கொண்டு வெளியில் சிரித்து பேசும் அவளது குணம் மீண்டும் மீண்டும் சர்வினுக்கு காதலை திவ்யாவின் மீது காதலை வர வைத்தது. அவளின் தந்தை சொன்ன விஷயத்தை திவ்யாவிடம் கேட்க வேண்டாம் என்று முடிவுக்கு வந்தான். 'வெந்த புண்ணில் வேல் பாய்ச்சியது போல' மேலும் அவளின் மனதில் வேதனையை சேர்க்க வேண்டாம் என்று எண்ணினான். இன்று மாலை சந்திக்க வருவதாக வாக்குறுதி கொடுத்து இருந்தான். நான்கு நாட்களாக அவளை சந்திக்கவில்லை. சரியாக பேசவும் இல்லை. என்ன நினைத்துக் கொண்டலோ? என்று புலம்பிக் கொண்டே காரில் ஏறி காரை பூக்கடையை நோக்கி செலுத்தினான். அங்கு சென்று அவளுக்கு பிடித்த ரோஜா மலரை வாங்கி கொண்டு கிளம்பினான்.

" வாங்க சார், 15 நிமிடம் தாமதம். இந்த ஆண்களுக்கு பெண்களை காத்திருக்க வைப்பதில் என்ன தான் சந்தோசம் என்றே தெரியவில்லை" என்றே மௌன சிரிப்பு சிரித்தாள்.
" என்ன? ஆண்கள் பெண்களை காக்க வைப்பதா? கடவுளே அனுமதிக்காத பொய்" என்றான்.
பிறகு அவன் வாங்கி வந்த ரோஜா மலரை கையில் கொடுத்து "Sorry, நான்கு நாட்களாக ரொம்ப அதிகமான வேலை அதனால் தான் பார்க்கவோ, சரியாக பேசவோ முடியவில்லை. என் மேல் கோபமா" என்று கொஞ்சலுடன் கேட்டான்.
" அப்படி எல்லாம் ஒன்றும் இல்லை. i can understand your situation dear" என்று அவனின் கொஞ்சலுக்கு இணங்க பாசத்துடன் பதிலை கூறினாள்.

*********************************************

இரவில் சர்வினுக்கு தூக்கம் வரவில்லை. ஜன்னலை திறந்து பார்த்தான். சில்லென்று காற்று அவனை வந்து தழுவியது, அழகான வானம், நிலவுக்கு துணையாக இருக்கும் நட்ச்சதிரங்கள் இவையாவும் அவனுக்கு தான் காதல் தேவதையின் யாபகங்களை கொண்டு வந்தது. நேரத்தை பார்த்தான் நள்ளிரவு மணி 2.30 காட்டியது. இந்நேரம் அவனின் தேவதை உறங்கிக் கொண்டு இருப்பாள். அவளை நினைக்கும் பொழுது அவனின் மனதில் பட்டாம்பூச்சி சிறக்கடித்து பறக்கும். ஏன் என்று காரணமே தெரியாது? அவனது டைரியை எடுத்து கவிதை எழுதினான்.

என் ஆருயிர் காதலியே,
உன் புன்னகை என்னில் மலைச்சாரல்
உன் கடைக்கண் பார்வைக்காக
நான் ஏங்கிய நாட்கள்..
நீ அறியாமல் பல நாள்..
நீ அறிந்த சில நாள்..

இன்று உன் பார்வை
என் மீது மட்டுமே..!
உன் உதடுகளின் சிரிப்பில்
உள்ளங்கள் கடத்துகிறாய்..!
என் மனதையும் கடத்தி விட்டாய்,
உன் ஒரே மௌன
சிரிப்பினால்..!

உன்னை படைத்த
அந்த பிரம்மன் கஞ்சனடி..
எல்லா அழகையும் உன்னிடமே
கொடுத்து என்னை வதைப்பது
கொடுமையடி என் தேவதையே..!

தனது கவிதையை எழுதி முடித்துவிட்டு புத்தகத்தை மூடினான். என்றாவது ஒரு நாள் தான் எழுதிய கவிதைகளை திவ்யாவிடம் காட்ட மிகுந்த ஆசை சர்வினுக்கு.
காலை எழுத்தவுடன் திவ்யாவுக்கு காலை வணக்கம் என்று குறுந்தகவல் அனுப்பினான். அதற்க்கு பதில் "Good morning and have a nice day" என்று எழுதிருந்தாள். சுருக்கமாக சொல்ல போனால் திவ்யாவின் குறுந்தகவல் தான் சர்வினுக்கு உற்சாகம். மதிய உணவுக்கு திவியவுக்கு போன் செய்தான்.
" Hai, what are you doing? ஏன் குரல் எல்லாம் ஒரு மாதிரி இருக்கு" என்றான் சர்வின்.
" உடம்பு சரியில்லை. காய்ச்சல் அடிக்குது." என்றாள்.
" ஏன் என்னிடம் சொல்லவில்லை. Did you have go for hospital."
" Not yet."திவ்யா.
" கிளம்பி நில் டியர். நான் வாறேன். i will take you go to hospital."
இப்படி தான் அவளுக்கு ஒன்று என்றால் துடி துடித்து போவான். அவனது பாசத்திற்கு மட்டும் அளவே இல்லாமல் போய்விட்டது.

நாட்கள் பல உருண்டோடியது. ஒரு நாள் சர்வினுடன் வெளியில் சென்ற திவ்யா பார்த்த சம்பவம் அவளுக்கு பெரும் அதிர்ச்சியை தந்தது. இது அவள் சிறிதும் எதிர்பாரத ஒன்று. ஒரு நிமிடம் தலையே சுற்றியது. அவள் கண்ணை அவளே நம்ப முடியவில்லை.

தொடரும்....

அன்புள்ள டைரி ..!

2009-04-25T05:34:00.000-07:00

அன்புள்ள டைரி,

என் இன்பத்தையும் துன்பத்தையும் உன்னுடன் மட்டுமே நான் பகிர்ந்துக் கொள்வேன். இன்றும் உன்னுடன் தான் என் பயணம். அனைத்தையும் எல்லோரிடமும் சொல்ல முடிவதில்லை. உன்னிடம் சொல்வதில் மனதில் ஓர் ஆறுதல். நான் கடந்து வந்த ஒவ்வொரு நாளும் என் வாழ்வில் மறக்க இயலாத நாட்கள் தான்.

பாசத்திற்காக நான் எத்தனை முறை கீழே விழுந்திருக்கிறேன் என்ற உண்மை நீ மட்டுமே அறிந்த ஒன்று. இதனால் வரை என்னுடன் இருந்த குடும்பம் இன்று காரணமே இல்லாமல் என்னை வெறுக்கின்றன. குடும்ப உறுப்பினர் மட்டுமில்லை, உடன் பழகிய நண்பர்களும் தான். உடன் பிறந்த சகோதரா சகோதிரிகளே எதிரியாகி பார்த்ததுண்டா? என் வாழ்வில் நடந்த ஒன்று. அனைவரும் இருந்தும் அனாதையாக வாழும் நான். இன்று என்னை வெறுக்கும் நெஞ்சங்கள் யாவும் அன்று என்னை நேசித்த நெஞ்சங்களே. இதை தான் சில நேரத்தில்;சில மனிதர்கள் என்பரோ. காதல் எல்லோருடைய வாழ்விலும் மறக்க முடியாத ஒரு சம்பவம். ஆனால் என் வாழ்கையில் நான் மறக்க நினைக்கும் சம்பவம். ஏன் தெரியுமா? பாசம் என்னும் போர்வையில் என்னை ஏமாற்ற வந்த நாரி இந்த காதல். இந்த காதலினால் நான் அனுபவித்த வேதனையை மரண படுக்கையிலும் மறவேன்.

இன்று எந்த உறவுகளும் உடன் இல்லை. கண்ட கனவு அடுத்த வினாடியே நமக்கு சொந்தமில்லை,உடன் இருக்கும் உறவுகளும் அப்படி தான் போல. மிகவும் எதிர்பார்புடன் நான் தொடங்கிய உறவுகள், இன்று எதிர்பாராமலே முடிவடைகிறது. அன்புள்ள டைரியே, இன்றே நான் உனக்கு எழுவது கடைசி. இந்த உறவுகளின் மத்தியில் எனக்கு வாழ பிடிக்கவில்லை. உமக்கு நேரம் இருந்தால் நான் அனுபவித்த சோகத்தையும் வேதனையையும் இந்த அன்பு நெஞ்சங்களுக்கு எடுத்துச் சொல்.

அன்புடன்,

.......................

இது 50% கற்பனையே..

பட்டாம்பூச்சி.. பட்டாம்பூச்சி

2009-04-25T00:19:00.000-07:00

இந்த பட்டாம்பூச்சி விருது எனக்கு கிடைத்தவுடன் என் மகிழ்ச்சிக்கு அளவே இல்லை. ஒரு கணம் வானத்தில் பறக்கும் பறவையைப் போல் சுற்றி திரிந்தேன் என்றால் பாருங்களேன். என் மகிழ்ச்சிக்கும் விருதுக்கும் காரணம் காயத்திரி அக்கா தான். எனக்கு இந்த விருதை தந்து கௌரவித்தவரும் அவரே தான். இவரின் கவிதைகள் யாவும் அருமை. http://pirivaiumnesippaval.blogspot.com நீங்களும் கொஞ்சம் படித்து பாருங்கள். இத்தருணத்தில் காயத்திரி அக்கா அவர்களுக்கு நன்றி சொல்ல விரும்புகிறேன்.
என் மகிழ்ச்சியை வார்த்தைகளால் சொல்ல இயலாது. என்னிடம் இருக்கும் பட்டாம்பூச்சி விருதை வேறு யாருக்கு தரலாம் என்று யோசித்த பொழுது இவர்களே என் நினைவுக்கு வந்தனர்.

1. விக்னேஷ்வரன் இவரது படைப்புகள் யாவும் மிகவும் அருமையாக இருக்கும். http://vaazkaipayanam.blogspot.com. இவர் எழுதும் அனைத்து பதிவுகளும் பயனுள்ளதகவும் இருக்கும். இவருக்கு எனது வாழ்த்துக்கள்.

2. மகா இவரின் படைப்புகளும் அருமையோ அருமை. http://mahawebsite.blogspot.com. அட இவரும் கதை எழுத ஆரம்பிச்சி இருகாங்க. காதல் கதை இல்ல, திகில் நிறைத்த பேய் கதை. தொடர்ந்து எழுத என் வாழ்த்துக்கள்.

காதல் தந்த பரிசு 4

2009-04-16T03:13:00.000-07:00

திவ்யா எதிர்பார்த்ததை விட சர்வின் அவள் மேல் மிகுந்த பாசத்துடன் இருந்தான். இது அல்லவா காதல் என பார்பவர்களின் மனதில் பொறாமையை துண்டியது. திவ்யாவுக்கு தாயில்லாத ஏக்கம் இப்பொழுது சிறிதும் தோன்றுவதில்லை. சுருக்கமாக சொல்ல போனால் சர்வின் அவளுக்கு ஒரு தாயை போல பார்த்துக் கொள்கிறான். தாயிடம் இருக்கும் பாசம்,அக்கறை, கண்டிப்பு என அனைத்தையும் அவனிடம் கண்டாள். அன்று இரவு தான் தாயை பார்க்க அழைத்து போவதாக சொல்லி இருந்தான்.
" Dear,are you ready?"
" Ya,i am ready,can we go."

இருவரும் காரில் ஏறி புறப்பட்டனர். திவ்யாவும் பேசிக் கொண்டே வந்தாள். அவள் பேசுவதை கேட்க அவனுக்கு மிகவும் பிடிக்கும். காரணமே தெரியாது. சர்வினின் வீடும் வந்தது. திவ்யாவும் பய உணர்வோடு விட்டினுள் சென்றாள். அங்கு இவர்களின் வருகைக்காக காத்திருந்தார் திருமதி பார்வதி. கணவனை சிறு வயதிலையே இழந்து, சர்வினை மிகவும் அன்போடு வளத்தவர்.
" வாம்மா ஏன் இவ்வளவு நேரம்."
" கொஞ்சம் லேட் ஆச்சு ஆன்டி."என்றாள்.
" பரவாயில்லை" என்றார் பார்வதி.
இரவு உணவும் அங்கேயே முடிந்தது. பேசிக் கொண்டே நேரம் போனதே தெரியவில்லை. நேரமும் 9 ஆனது. இருவரையும் வழி அனுப்பிவைத்தார்.
" சர்வின் என் மருமகளை பார்த்து அழைத்து செல், வேகமாக போக வேண்டாம்" என்று மகனுக்கு செல்ல அறிவுரையை கூறினார்.
" சரி அம்மா." என்று இருவரும் கிளம்பினார்கள்.

************************************************

காரில் இருவரும் ஒன்றும் பேசவில்லை. திவ்யா பாடலில் முழ்கி விட்டாள். சார்வினும் தான். அவளின் வீடும் வந்தது.
"So shall we go back now" திவ்யா.
" Hey, why you go back so early."
" Hello,sharvin time is already 9.30pm."
" Just chit-chat for a while baby."
" Hmmmm ok"

திவ்யா அவள் நண்பர்களை பற்றி கூறிக் கொண்டு இருந்தாள். சர்வின் அவள் பேசுவதையே ரசித்து கொண்டு இருந்தான். படபடவென பேசும் அவளின் குணம் அவன் மிகவும் ரசித்த ஒன்று என்று சொன்னால் மிகையாகது.
"சர்வின் நான் பேசிக்கிட்டு இருக்கேன். நீ என்ன பண்ணுற."
" நான் என் காதலியை ரசித்துக் கொண்டு இருக்கேன்."
" ம்ம்ம்ம் போ உனக்கு வேறு வேலையே இல்லை" என்று கதவை திறக்க சென்றாள்.

ஆனால் சர்வின் இதழோடு இதழ் முத்தம் கொடுத்தான். இதழோடு இதழ் சேர்ந்த நேரம் வார்த்தைகள் உமையானது. கண்கள் மட்டும் கோர்த்துக் கொண்டது. வெட்கம் கண்களில் தெரிந்தது. உடனே கதவை திறந்து ஓடினாள் திவ்யா. சிறு தூரம் சென்ற பிறகு சர்வினை திரும்பி பார்த்து சிரித்துக் கொண்டே விட்டினுள் சென்றாள்.

******************************************************

மறுநாள் திவ்யாவின் வீட்டிற்கு சர்வின் சென்றான். அப்பொழுது சர்வின் முதல் முதலாக அவளின் அப்பாவை சந்தித்தான்.
" வாப்பா சர்வின். உள்ளே வா" என்றார்"
சர்வின் வியப்புடன் உள்ளே சென்றான். என் பெயர் எல்லாம் எப்படி தெரியும்?
" திவ்யா உன்னை பற்றி நிறைய சொல்லி இருக்காள். நீ வருவேனு சொல்லி இருந்தாள். she just go out with her brother,don't worry she will come back in 10min."
" it ok uncle i'll wait for her"என்றான் சர்வின்.

இருவரும் பேசிக் கொண்டே இருக்கையில் திவ்யாவின் அப்பா அவனை அதிர்ச்சி தரும் வகையில் ஒரு விஷயத்தை சொன்னார். அவர் சொன்ன அந்த விஷயம் ஒரு கணம் அவனின் கண்களில் கண்ணீர் வர செய்தது. இவ்வளவு நாள் திவியாவுடன் பழகி ஏன் இந்த விஷயத்தை என்னிடம் சொல்லவில்லை. என்னை முழுதாக நம்பவில்லையோ? என்று மனதினில் சிறு குழப்பம் எழுந்தது. திவ்யாவும் அவள் அண்ணன் தேவாவும் வந்தனர்.
" வந்து ரொம்ப நேரம் ஆகுதா"என்றாள்.
" இல்லை இப்போ தான் வந்தேன் அப்பாவுடன் பேசிக் கொண்டு இருந்தேன்."என்றான்.
" ஏன் முகம் எல்லாம் ஒரு மாதிரி இருக்கு."
" nothing" என்றான். இருந்தாலும் மனதினில் குழப்பம் தோன்றிக் கொண்டே இருந்தது. அவளிடம் கேட்கலாமா இல்லை வேண்டாமா? என்று இன்னும் ஒரு குழப்பம். அவளின் சோகத்தை மீண்டும் நினைவுக்கூற வேண்டாம் என்ற முடிவுக்கு வந்தான்.

ஆனாலும் அவனால் அதை நினைக்காமல் இருக்க முடியவில்லை. சிரித்துக் கொண்டு சிறகடித்து பறக்கும் பறவைக்குள் இப்படி ஒரு சோகமா? எப்போதும் சந்தோசமாக இருக்கும், பிறரின் மனதை நோகாமல் பார்த்துக் கொள்ளும் அவளுக்கா அப்படி ஒரு வேதனை. அவனால் துளியும் நம்ப முடியவில்லை. அவனிடம் ஏன் சொல்லவில்லை இதுவும் புரியவில்லை.

தொடரும்....

உயிரே

2009-04-12T01:23:00.000-07:00

உன்னை சந்திக்கும் நொடியில்
நான் பிறவி கொள்ள வேண்டும்..

உன் விழிகள் கோர்த்துக் கொண்ட
பொழுது உள்ளுக்குள் நான்
பேசிக் கொண்ட வார்த்தைகள்
இன்றும் யாபகம் உள்ளதடி..!

அன்று காதல் தந்தவளும்
நீ தான்,
இன்று பிரிவை தந்தவளும்
நீ தான்..!

புரிந்தது பெண்ணே,
என் காதலின் ஆழத்தை
நீ இந்த மண்ணை
விட்டு சென்ற பொழுது..

என் காதல்
காலத்தால் அழியாதது..!