ஆயிரம் எண்ணங்கள் 3

நம்பிக்கை என்னும் தெய்வம்

நாளை எப்படியும் விடியும் போது நாம் உயிருடன் இருப்போம் என்ற நினைப்பில் இன்று எத்தனை காரியங்களை ஒத்தி வைக்கிறோம்? வாழ்வு முழுக்க தினம் தினம் ஒவ்வொரு கணமும் நம்பிக்கையின் அடிப்படையில் தான் நடைபெறுகிறது. நம்பிக்கை என்பது வாழ்வில் வெற்றி பெற அவசியம் என்பது எல்லோருக்கும் தெரியும்.

முன்னேற நிச்சயமாய் முயற்சி தேவை. முயற்சிக்கு நம்பிக்கை தேவை. அது நம்மீதே முழுதாய் உருவாகும் வரை அந்த நம்பிக்கைக்கு ஒரு உருவம் தேவை. உலகளவில் வெற்றி பெற்ற ஒவ்வொருவரின் வெற்றிக்கு காரணமும் நம்பிக்கை தான். தங்கள் மீதும்,தங்கள் லட்சியங்கள்,செயல்கள் மீதும் வைத்திருந்த நம்பிக்கை தான் இந்த அளவிற்குத் தன்னம்பிக்கை வருவது எலோருக்கும் சாத்தியம். அதற்க்கு முதல் கட்டமாக மனதில் தெளிவு வேண்டும். கூடவே உறுதியும் வேண்டும். தன்னம்பிக்கை வளர்த்துக் கொள்ள முதல் தேவை தன்னை உணர்தல் தான். குறைகளை,நிறைகளை,உணர்ச்சிகளை,ஆசைகளை முழுதாய் உணர்தல் தான். இது எளிதல்ல,ஆனால் முயன்றால் சாத்தியமே!

தன்னம்பிக்கை என்பது தோல்வியை ஏற்றுக் கொள்வதும்,தொடர்ந்து வெற்றியடைய முயல்வதுமே. சிலருக்கு தன்னம்பிக்கை இருந்து வெற்றிகளும் எளிதில் கிடைத்தால் ஆணவமாய் மாறிவிடுகிறது. தன்னம்பிக்கை என்பதின் அவசியம் எவ்வளவுதான் புரிந்தாலும் தோல்வியின் முன் மனம் உடைந்து விடுவது இயல்பு. தோல்வியை அளக்கவும் பயின்று கொள்ள வேண்டும். இது இயற்கை நியதி.

நம்பிக்கை தான் தெய்வம். தானாய் சிந்தித்து,துவண்டு படுக்காமல் இருந்தால் என்றும் வெற்றி நமது பக்கம் தான். முயற்சி திருவினையாகும்.